लॉकडाऊन

लॉकडाऊन सुरू झाल्यापासून
मोठमोठया अभ्यासक व इतर लोकांची चुफी रिपोर्टर्स सुरू झालीयेत
प्रत्येक जण आपल्या परीने आपल्या बांधिलकीने आपल्या चौकटीच्या आतच
बाहेर पडणाऱ्या पोटाच्या तुकड्यासाठी
प्रदेशावर आलेल्या व जगण्याच्या तळमळीने धावणारे माणसांचे लोंढे
यांचे घनगंभीर अवलोकन
आपल्या घनदाट भाषाशैलीत माल मसाला लावून रिपोर्टिंग करतोय
कोरडे दुःख, कोरडी भावना प्रत्येकाच्या भावनेत ओथंबलेला कोरडेपणा
वाफाळलेल्या कॉफीचा कप टेबलावरती ठेवून टेलिव्हिजन वर दिसणाऱ्या
स्वतःच्या बचावासाठी धावणाऱ्या मजुरांचे लोंढे पाहत
त्यांच्या दुखर्‍या जखमेवरील पापुद्रे सोलतायेत रिपोर्टर